الصفحة الرئيسية
14 مايو 2018 ( 503 المشاهدات )
الإعلانات

أنا مالتزم دينيا وحافظ للقرآن بس إتعمقت في كتب الجن والسحر وده اللي بيحصلي بتحول ل****دقيقتين ولما مابصليش الفجر بيحصلي***كل يوم أنا مش عارف أتصرف إزاي

هى مشكلتى غريبة شوية بس معلش استحملونى
انا شاب 21 سنة الحمد لله ملتزم دينيا وختمت القران وانا 9 سنين و كنت مهتم بدراسة العلوم الدينية وطول عمرى متفوق دراسيا ودخلت كلية قمة والحمد لله متفوق فيها 
المشكلة بقى انى فى فترة من حياتى ايام اعدادى وثانوى من كتر حبى فى القراءة وجنونى بيها قريت فى كتب خاصة بالجن والسحر والكلام دة بس وقتها كان عادى بالنسبة ليا قراية بس يعنى مش اقتناع بافكار او اى حاجة من دى لا مجرد قراية وخلاص وبطلت دة بنصيحة من عمى 
نيجى للمهم انى من وقت ما دخلت الكلية وانا علطول بيتكررى حلم انى شخص عايز يتحول لشيطان وبيقتل ناس كتير وعلى عين الشخص دة رمز زى اللى كنت بشوفهم فى الكتب دى والمشكلة الاكبر ان دة انعكس على حياتى برة بس كافكار بس انى لو بتكلم مع حد ببقى فى نفسى بفكر انى ازاى استغل اى حاجة حواليا قتله دة بيفضل دقيقتين مثلا بعد كدة افتكر النصوص الدينية اللى محرمة القتل وعقابه عند ربنا فبرجع حتى فى تفكيرى فى العلاقة كاى شب بقى تفكيرى سادى بطريقة مرعبة لدرجة خلتنى اسيب البنت اللى بحبها طول عمرى واكلم اهلها اقولهم مش هينفع نكمل مع بعض لانى خايف عليها منى وبقى بالنسبة ليا مناظر القتل ممتعة جدا وافرح لما اشوف حد مقتول او ميت بس دة مبدأيا بعد بثوانى ارجع عادى وابقى هعيط عليه حتى فى وفاة عمى او مسمعت اخبر كنت فرحان 
وحاجة كمان بتحصل اليوم اللى والدى مش بيصحينى اصلى الفجر فيه او ما اقرأش الورد بتاع كل يوم بقوم من النوم لا ارادى بخبط دماغى فى الحيط وكلمت دكتور نفسى فى المانيا عن طريق اخويا ما ضافش ليا جديد بل الموضوع زاد 
انا عن نفسى متاكد انى عمرى ما هعمل تصرف عنيف زى دة بس الصراع ما بين العقيدة والافكار دى مجننى وخايف من انى اعمل حاجة تغضب ربنا او اذى حد فبقيت افضل اعيش لوحدى لان الافكار دى اوقات بتيجى ضد اهلى فبالله عليكم افيدونى اتصرف ازاى 

ينصح بمشاهدتها

الإعلانات

قد يعجبك ايضاً

«بضغطة زر»... كيف سجّل جمال خاشقجي عملية اغتياله دون أن يشعر أحد؟! هذه الطريقة فكت لغز مقتله! سبب غير متوقع وراء نقع اكياس الشاي في حوض الاطباق لاترمي أكياس الشاي بعد اليوم بذرة مانجو واحدة ستغير حياتك تماما - ستندم انك رميت بذور المانجو إن كيدهن عظيم.. زوجة تستعين بثعبان للتخلص من حماتها ..بعد أن طلبت من زوجها طردها خارج المنزل